Қазақстанның құзға өрмелеушілері Әлем кубогы кезеңінде ондыққа кіре алмады

Испанияның Алькобендас қаласында спорттық құзға өрмелеуден Әлем кубогының кезеңі өтті.

Қазақстандық спортшылар «жылдамдық» дисциплинасында бақ сынады.

Әмір Маймұратов 1/8 финалға дейін жетіп, 13-орынға тұрақтады. Дамир Тоқтаров та ширек финал жолдамасы үшін сынға түсуі керек болған, алайда жарыс жолына шыққан жоқ. Нәтижесінде ол 16-орынды иеленсе, Әлішер Мұрат 33-сатыдан көрінді.

Әйелдер арасында Тамара Улжабаева 22-нәтиже көрсетті. Анна Баларшина 27-орын алса, Арина Новицкая 36-орынға жайғасты.