28 маусымда қазақстандық M-1 Challenge чемпионы Шавкат Рахмонов M-1 Challenge 102 турнирінің басты кездесуінде бразилиялық Тьяго Варежао Ласердуді жеңіп, жартылай орта салмақта атағын қорғап қалды, - деп хабарлайды Vesti.kz тілшісі. .
Кездесу бірінші раундта аяқталды. Осылайша, жеңіліп көрмеген 24 жастағы қазақстандық кәсіби карьерасындағы 12-ші жеңіске қол жеткізді. Рахмонов барлық жекпе-жегін мерзімінен бұрын жеңіспен аяқтап келеді. Ал 29 жастағы бразилиялық жетінші рет жеңіліп отыр. Сондай-ақ, оның есебінде 28 жеңіс пен бір тең ойын бар.