Қазақстандық PUBG командасы жүлде қоры 425 мың доллар болатын турнирге қатысады
PlayerUnknown's Battlegrounds (PUBG) ойынында Қазақстанның намысын қорғайтын Konina Power командасы жүлде қоры 425 мың доллар құрайтын турнирге қатысады, деп хабарлайды Vesti.kz.
Онлайн-турнирде 40 команда қатысады. Олар екі топқа бөлінген. Ойындар бүгін, 10 шілде күні басталып, 9 тамызда аяқталады.
Konina Power командасы сапында қазақстандық Нұрсұлтан Gonzo Нартбаев, Дамир Axzcer Омаров және Асқар DGR Ахметов, ресейлік Даниил Tixzy Сучков, моңғол Даваадорж RobdiNNi Мункхбат ойнайды.
Айта кетейік, өткен айда бұл команда Еуропаның ең ұздік ұжымының қатарына қосылған болатын.