Dota 2 ойынында Khan командасының намысын қорғайтын қазақстандық Айбек Naive Тоқаев еуропалық киберспортшылар арасындағы рейтингте 11 орынға көтерілді, деп хабарлайды Vesti.kz порталы.
Тоқаев жуырда қазақстандық киберспортшылар арасындағы 10 000 ММR ұпайға (жекелей шеберлік көрсеткіші) бірінші болып жетті. Қазір, Dota 2 ойынының ресми сайтының мәліметі бойынша, ол Еуропа елдері ойыншыларының арасындағы рейтингте 11 орынға көтеріліпті. Тізімнің көшбасында Gambit командасында ойнайтын Данил gpK Скутин келе жатыр. Ал Virtus.pro командасының өкілі, Тоқаевтың позициясында ойнайтын Игорь iLTW Филатов жетінші орынға жайғасқан.
ММR (MatchMaking Rating) - бұл рейтингтік ойындарда киберспортшылардың деңгейін анықтап отыратын талап.
Айта кетейік, Тоқев Empire және No Pango секілді танымал ресейлік командаларда ойнаған. No Pango сапында ол былтыр Virtus.pro командасын жеңіп, бірінші рет Major сериясына шықты.
