Қазақстандағы жалғыз спорт арнасын кім басқаратыны айтылды
Қазақстанда спорт туралы хабар тарататын QazSport телеарнасын кім басқаратыны белгілі болды, - деп хабарлайды Vesti.kz.
5 маусымда Павел Цыбулин QazSport арнасының директоры қызметінен кеткен болатын. Ол телеарнаға бес жыл басшылық етті.
Qazsport телеарнасының директоры қызметінен кетті
Журналист Айдын Қожахметтің мәліметінше, QazSport арнасын енді Нағи Бақытбеков басқаратын болады. Бақытбеков Қазақстан футбол федерациясының PR және маркетинг департаментінің жетекшісі, Kazfootball.kz порталының иесі және Қазақстан құрамасының бренд-амбассадоры.
"Әзірге ресми ақпарат жоқ. Бірақ сенімді мәлімет көздері растады. Бұйрық та шығыпты", - дейді Қожахмет.