Токиодағы Олимпиада ойындарының басталуына төрт күн қалды. Бірақ әлі де ешқандай қазақстандық телеарна төртжылдықтың басты додасын көрсету туралы құқықты сатып алғанын хабарламады.
Бұл сауалды танымал журналист Сергей Райлян да көтеріп, ҚР мәдениет және спорт министрі Ақтоты Райымқұловаға сауал жолдады.
"ҚР Мәдениет және спорт министрі Ақтоты Райымқұловаға сұрақ: "Қандай себепке байланысты біз Токиодағы Олимпиаданы көре алмаймыз", - деп жазды Райлян Facebook парақшасында.
Айта кетейік, Олимпиада-2020 23 шілде мен 8 тамыз аралығында өтеді.