Әлемде салауатты өмір салтын ұстанатындар қатары көбейіп келеді. Осыған байланысты қазіргі таңда жаттығу бағдарламаларының да түрлері көбейді, олардың арасынан кез келген мақсатқа жетуге сай келетінін табуға болады. Дегенмен сұранысы өзгелерден артығы бар, ол өз дене салмағымен жасалатын жаттығулар бағдарламасы.
Таратып айтайықМұндай жаттығуларды батыс елдерінде калистеника деп атайды. Грек тілінен аударғанда "kalos" – сымбаттылық, "sthenos" – күш. Демек нәтижесінде дене бітіміміздің осы екі көрсеткіші артады. Ал бұл жердегі басты жаттығу құралы - адамның өзі. Өз дене ауырлығымен жаттығу кезінде ешқандай арнайы құрылғыны қолданбауға да болады. Дегенмен кей жаттығуда олар бәрібір қажет. Ал мұндай жаттығу бағдарламасы дененің созылмалылығын немес икемділігін, жылдамдық пен күшті арттыруға бағытталған.
1. Уақыттың үнемділігі. Көптеген жаттығу залдарында белгілі бір құрылғылар үшін кезек туындап қалады. Оның үстіне спортзал қашықта болуы ықтимал немесе қандайда бір себептермен залда ұзақ бола алмауыңыз мүмкін. Ал калистеника үшін қосымша құрылғылар қажет емес. Егер мұнымен ұзақ айналысып келе жатсаңыз, қайталайтын жаттығуларды үзіліссіз жасауға болады. Жаттығуды айналдыра жасау майды кетіріп, зат алмасуды жақсартады.
2. Буындарға ауырлық азырақ түседі. Жаттығу залына баратындардың арасында буыны ауыра бастағанына шағымданатындар кездеседі, бұл ауыр салмақ көтерудің кеселі. Әдетте шала қыздырыну мен жаттығуды дұрыс орындамау буындағы ауырсынуды ушықтыруы мүмкін. Ал өз дене салмағымен жаттығу кезінде буынға артық күш түспейді, сондықтан жарақат алу ықтималы төмен.
3. Калория көбірек жұмсалады. Көбірек энергия жұмсалады, май тезірек кетіп, бұлшық еттің өсуі жылдамдайды.
4. Координацияның жақсаруы. Өз дене ауырлығымен жаттығу кезінде әрбір бұлшық ет жұмыс істейді десе болады. Осы арқылы ептілік артады.
5. Белгілі бір ғылыми білім қажет емес. Барлық жаттығу айтарлықтай оңай орындалады, табиғи қимыл негізінде болғандықтан түсіну оңай. Калистеника ерлерге де, әйелдерге де, тіпті кез келген жастағы адамға жарайтын спорт түрі. Осы арқылы артық салмақтап арылып, келесідей мәселелрді шешуге болады:
дене бітімін әсем ету; шыдамдылық, координация мен жылдамдықты арттыру; бұлшы ет өсіру.Бұлшық ет массасын жинауды мақсат етсеңіз, дене ауырлығымен жаттыққанда уақыт өткен сайын олар әдетті іске айналып, жеңілдей түсетінін түсіну керек. Артық салмағы бар қыздарға мұндай жаттығулар зиян келтіруі мүмкін, өйткені белгілі бір органдарға артық салмақ түседі. Басқаша айтқанда, бастапқыда білікті маманның көмегі қажет болады.
Енді жаттыға бастағандар үшін бұл жеткілікті. Уақыт өткен сайын күрделілік қажет. Ал жаттығуды үйде немесе табиғат аясында өткізе беруге болады. Бұл жаттығу залына жетуге жұмсалатын уақытты үнемдейді. Дене салмағымен жаттығу арқылы өз мүмкіндігіңізді толық пайдалануға болады. Дегенмен бұл ретті іс болуы керек және бастапқыда маманның кеңесі қажет екенін естен шығармауды сұраймыз.