Хабиб Нурмагомедовтің Instagram-байқауының бас жүлдесі ақтөбелік қызға бұйырды

Ақтөбелік Сәуле Болатбаева Хабиб Нурмагомедов ұйымдастырған Instagram-байқаудың суперпризі - Toyota Camry автокөлігін ұтып алды. Бұл туралы қыз әлеуметтік желідегі парақшасында жазды, - деп хабарлайды Tengrinews.kz тілшісі. 

Жеңімпазды таңдау 30 желтоқсанда өткен, ол кездейсоқ түскен сандарды тіркейтін генератордың көмегімен таңдалыпты. Қыз өзінің ұтысы жөнінде stories арқылы жария етті. Енді ол сыйлығын алу үшін Мәскеуге баруы тиіс.

"30 желтоқсанда тікелей эфирде тәуелсіз генератормен жеңімпазды анықтаймыз және барлық жазылушыны тексереміз. Сыйлықтар күтіп тұр... Естеріңізге сала кетейін, біздің серіктестердің арнайы сыйлықтары сіздерді күтеді. Баршаңызға сәттілік!!!", - деп жазды Хабиб Нурмагомедов екі күн бұрын өз аккаунтында.