Әртістік жүзудегі "әртістер" кім?

Әртістік  жүзу спортындағы дау-дамай тоқтар емес. Спортшылар мен бапкерлердің, федерация басшылығының арасында «қара мысық жүгіріп өткелі» бірнеше жыл.

Жуырда әртістік жүзуден ұлттық құрама мүшесі Әйгерім Исаева әлеуметтік желіде синхронды жүзудегі бірсыпыра кемшіліктерді жариялаған болатын. Спорт және мәдениет министірлігінің жауабы да көп күттірмеді.
Әртістік жүзуден ел намысын абыроймен қорғап жүрген Әйгерім Исаева басшылықтың жауабынан кейін кезекті жазбасын өзінің Facebook парақшасында жариялап отыр.

«Өкінішке орай БАҚ өкілдері істің байыбына бармай қарсы тарапқа нақты дерексіз сөйледі деп жала жабуға құмар», - деп бастаған Әйгерім заң жүзінде ішкі құжаттарды тексеруге тек құзырлы органдар ғана құқылы екенін айтуда.
Әйгерім Инстаграм парақшасындағы жазбасы құрама мүшелерінің жаттығуына кедергі келтіреді дегеніне мүлдем келіспейді.

«Кез келген уақытта жауапты мекеменің тексерісіне дайынмын. Жазбаларымның мақсаты да істің анық-қанығына жету», -дейді Әйгерім Исаева.
Төрешілікке тоқталған синхронды жүзуші Мемлекет қазынасына қол сұққан Жанна Геннадевнаның халықаралық жарыстарға төрешілік етуіне кімнің рұқсат еткеніне таң. FINA  жемқорлыққа барған адамға төрешілік етуіне еш шектеу қоймайды дегенге сене алмауда.

Сонымен қатар Әйгерім ұлттық құрама бапкері болып Әлия Каримова танылғанымен барлығын Жанна Демченко шешетініне сенімді.
Министірлік айтқандай құрамада білікті мамандар болса спортшылардың жиі жарақат алуы күмән тудырады.

«2018 жылғы Азия ойындарында құраманың үш бірдей мүшесі жарақат алды. Кейін оларға ота жасалды. Жарақаттың себебіне ешкім үңілмеді. Алайда кез келген жарақат бапкердің біліксіздігінен орын алатындағы баршаға аян.
Шындығына келгенде, біз тек фактілерді айтып отырмыз – бұл дегеніміз қара күйе жағу екен, біздің қоғамда кейбір нәрсенің дұрыс еместігін байқатады.

Сонымен қатар, қазіргі таңда басшылықта отырғандардың біреуі бұрын мемлекет қаржысын үлкен көлемде жымқыру статьясы бойынша ресми айып тағылған адам болса, екіншісінің үстінен спортшы қыздардың бірінің ата-анасы сотқа шағымданған еді, осындай фактілерге қазіргі басылым беттері неге көздерін жұма қарайды?

Неліктен бұл фактіні күйе жағу деп санап, оған аса мән берілмейді? Сондай-ақ, басылым беттерінде мемлекет қаржысын үлкен көлемде жымқыру дегенді сәл шалыс басыпты дегендері қатты таңғалдырады. 5,7 миллион теңгені жымқыру шалыс басқан болып санала ма? Басқа сала болғанда, ондай адамды содан кейін  маңына жолатпаушы еді!

Адамдардың өзгеруі қиын, ал сот мәселелеріне жұмсалған ақшаны қайтару қажет, ал біз Демченко ханымның болашақта бір айлыққа күнелтетініне күмәнмен қараймыз, оның үстіне айлық білуімізше көп емес.

Ары қарай сот мәселесіне келсек, қаржылық-шаруашылық қызметпен айналысуға тыйым салынады делінген факті бойынша сот үкімі орындалып жатқан жоқ. Қазіргі уақытта бұл тек Каримова А.Т. арқылы жүргізіліп отыр. Ал командаға қатысты барлық мәселені Демченко Ж.Г. шешеді, онымен қоймай, Каримова  А.Т. осы фактіні өзі растап отыр.

Басшылық, өтінеміз, осы фактіні егжей-тегжейлі тексерсеңіздер екен – біз кездесіп, қолдағы айғақтарды көрсетеміз.

Сонымен қатар, біздің жазғанымызға Жанна Геннадьевнаның өзі неге пікір білдірмейді? Ол неге осы хаттағы фактілерді жоққа шығармайды?  Өзі! Команданың атын жамылмай! Өзін қорғау мақсатында хат жазып, онымен қоймай, ата-аналарының рұқсатынсыз кәмелетке толмаған спортшы қыздарға қол қойдырып алады!», - деп аяқтаған Әйгерім Исаева Инстаграм желісіндегі жазбасын.