Алматы облысының әкімдігі Шонжы ауылында салынып жатқан спорт кешенінің құлауына қатысты түсінік бердi, - деп хабарлайды
Tengrinews.kz тілшісі.
Алматы облысы құрылыс басқармасы басшысының орынбасары Ерке-бұлан Усманбаевтың айтуынша, құлау кезінде спорт кешені құрылысындағы жұмысшылардың ешқайсысы зардап шеккен жоқ.
Қазір мамандар төтенше жағдайдың себебін анықтап жатыр.
"Нысанда 50 адам жұмыс істеді. Құрылыс салушы - "Лидер НК"ЖШС. Мұнда үш корпус салу жоспарланған. Олардың бірінде шатыр құлады. Құлау себептері әртүрлі болуы мүмкін. Мүмкін адам факторы. Құрылыс барысында, мүмкін, біреу болтты дұрыс бұрамады, бәрі де болуы мүмкін", - дедi Ерке-бұлан Усманбаев.
Еске салайық, мұның алдында Шонжы ауылында салынып жатқан спорт кешені құлағаны хабарланған болатын.
Ғимарат 2019 жылы салынып бастаған және 2020 жылдың соңында аяқталуы тиіс болған. Басылымның мәліметінше, құрылыс үшін 1,171 миллиард теңге бөлінген.