Бұл күндері Ташкентте көркем гимнастикадан Азия чемпионаты өтуде. Сары құрлық додасында қазақстандық арулар жоғары нәтиже көрсетіп жатқанын атап өткен жөн. Мәселен Алина Әділханова ұршық жаттығуында қарсыластарынан жоғары ұпай жинап, жеңіс тұғырының биік сатысына көтерілді. Екінші орын жарыс қожайыны Тахмина Икрамоваға бұйырса, үздік үштікті аспан асты елінен келген Ятинг Жао түйіндеді. Сонымен қатар, Алина шығыршық пен доп категорияларының финалына шығып, екеуінде де күміс жүлдегер атанды.
Тағы бір отандасымыз Адиля Тілекенова таспа бойынша сынға түсіп, қола медальмен марапатталды. Еске салсақ, Өзбекстан астанасындағы жарыс Токио Олимпиадасына жолдама берілетін лизенциялық турнир болып табылады. Байрақты бәсеке маусым айының 11-ші жұлдызы аяқталады.