Алматыда каратэ-до шотоканнан халықаралық турнир өтті

Алматыда Қазақстанның каратэ-до шотакан федерациясының алғашқы президенті Вячеслав Савкивті еске алуға арналған халықаралық турнир өтті, - деп хабарлайды Vesti.kz.

Жарыс биыл оныншы жыл өтіп отыр және турнирге қатысушылар саны 300 адамнан асқан.

"Алматыда каратэ-до шотоканнан Қазақстан Республикасына еңбегі сіңген спорт шебері Вячеслав Савкивті еске алуға арналған турнир кезекті рет өтті.  Ол кісі елімізде каратэ-до шотокан спортының негізін қалаушы, әрі федерацияның алғашқы президенті болған. Өкінішке қарай, ол азаматтың арамыздан өтіп кеткеніне міне биыл он жыл. Турниріміз дәстүрлі түрде өткіп келе жатқанына да осынша уақыт. Биылғы жарысқа 300-ден астам жас спортшылар қатысуда. Сонымен қатар, көрші Қырғыстан елінен екі қонақ команда келді - Ош және Джалалабад құрамалары", - дейді федерациясының президенті Фарит Галимович Аюпов

Сонымен бірге, федерация басшысы Қазақстанда карате-до шотоканмен айналысатын балалар саны артып жатқанын атап өтті. Алматы қаласында 600-ден астам балалар шұғылданады екен.

"Турнирдің маңыздылығын "Тигренок" клубының басшысы, халықаралық дәрежедегі спорт шебері, карате-до шотоканнан екі дүркін әлем чемпионы Чиркина Ирина да атап өтті.

Вячеслав Савкивтің осы спортқа қосқан үлесі зор. Ол кісі негізін қалаған "Тигренок"  клубы бүгінде табысты жұмыс атқаруда. Біздің клуб үшін аталмыш турнирға қатысу үлкен мәртебе. Себебі Вячаслав Григорьевич аңыз адам", - дейді ол. 

Вячеслав Савкивтің шәкірттері ел намысын халықаралық аренада қорғап келеді. Мамамнның шәкірттері арасында бірегейі Айдана Бостанова ұстазы жайлы жылы  лебізін білдірді.

"Вячеслав Григорьевич темірдей тәртіптің адамы болатын. Қатал болғанымен өте әділ, шыншыл кісі еді. Ол кісі каратэмен өмір сүрді. Шәкірттеріне өзінің баласындай қарайтын", -  дейді Бостанова.