Өзбекстанды жеңген Қазақстан Азия чемпионатының жүлдегері атанды

Қазақстандық дзюдошылар командалық есепте дзюдодан Азия чемпионатының қола жүлдегері атанды, деп хабарлайды Vesti.kz.

Үшінші орын үшін күресте Қазақстан құрамасы Өзбекстанмен кездесіп, 4:3 есебімен жеңіске жетті. Жеңіс ұпайын Камила Берліқаш әкелді - оның қарсыласы татамиге шыққан жоқ.

Айта кетейік, Қазақстан 2022 жылы Нұр-Сұлтанда өтіп жатқан Азия чемпионатының медальдар есебінде төртінші орын алған. Команда қоржынында бір алтын, екі күміс және бес қола медаль бар.