Қазақстандық дзюдошылар Нұрлыхан Шархан мен Марат Байқамұров Будапештегі Әлем чемпионатында жүлделі орынға жете алмады, - деп хабарлайды Vesti.kz.
Екі дзюдошымыз да 100 келіге дейінгі салмақта бақ сынады. Нұрлыхан Шархан екінші белдесуінде бразилиялық Леонардо Гонсалвеске жол берді.
Марат Байқамұров бірінші белдесуінде қарсыласын 35 секундта жеңіп шыққан. Алайда екінші белдесуде Олимпиада чемпионы Зелим Котцоевқа есе жіберді.
Айта кетейік, ел қоржынында әзірге бір медаль бар. Жарыстың бірінші күнінде Әбиба Әбужақынова 48 келіге дейінгі салмақта күміс жүлде еншілеген болатын.
Жарнама