66 келі салмақ дәрежесінде сынға түскен қазақстандық дзюдошы Ғұсман Қырғызбаев Нұр-сұлтан қаласында өтіп жатқан Азия чемпионатында қола медальға ие болды.
Отандасымыз жекпе-жекке Қырғызстаннан келген Қуанышбек Айбек Уулумен кездесуі керек еді, бірақ, қолын сындырған спортшы жекпе-жекке шықпады.
Осылайша, Ғұсман Қырғызбаев жекпе-жексіз-ақ қола медаль иегері атанды.
Еске салайық, бұл жүлде Қазақстан қоржынында үшінші. Бұған дейін Абиба Әбужақынова дзюдодан Азия чемпионатының күміс, ал Мағжан Шамшадин қола жүлде иегерлері атанды.