Қазақстан дзюдошылары жастар арасындағы ӘЧ-нің екінші күні де жүлде алмады

Қазақстан құрамасы дзюдодан Лимада (Перу) өтіп жатқан жастар арасындағы әлем чемпионатында өнер көрсетуде.

Екінші жарыс күні ұлттық құрама сапынан үш спортшы татамиге шықты. Алайда ешқайсысы финалдық кезеңге өте алмады.

Омар Нұрбергенов (73 келіге дейін) екінші айналымда Абдеслам Белбелхаутқа (Алжир) жол берді.

Дильназ Досберген алғашқы кездесуінде испан спортшысы Люсия Карпиоға есе жіберді.

Сондай-ақ, Көркем Орымбек (70 келіге дейін) бірінші белдесуінде жапон спортшысы Ёсино Такахасиден жеңіліп қалды.

Айта кетейік, Қазақстан құрамасының қоржынында бір күміс медаль бар. Оны бірінші күні Дана Әбдірова (57 келіге дейін) жеңіп алған болатын.