Жансай Смағұлов Азия чемпионатында Қазақстан қоржынына үшінші медаль әкелді

Қазақстандық дзюдошы Жансай Смағұлов (73 келіге дейін) Гонконгте өтіп жатқан Азия Чемпионатында қоржынымызға тағы бір медаль әкелді, - деп хабарлайды Vesti.kz.

Қола жүлде үшін жерлесіміз ирандық Мохаммад Мохаммади Бариманлмен белдесіп, кездесуді ипон әдісімен уақытынан бұрын аяқтады. 

Мұның алдында Қазақстан құрамасы қос күміс жүлдені жеңіп алған болатын. Бірін 48 келіге дейінгі салмақта Отгонцэцэг Галбадрах, екіншісін 66 келіге дейін Елдос Жұмақанов иеленді. 

Еске салайқ, дзюдодан Азия чемпионаты Гонконгте өтіп жатыр және 28 мамырға дейін болады. Бұл жарыста Қазақстан атынан 18 спортшы шығып отыр.