CeDkJ86R1l0Nf5sCY5fXclEhOG1iLMuvI3lfocQq
auth.social_login
Пожалуйста, подождите... Укажите email Укажите имя или псевдоним Укажите пароль Для регистрации на сайте Вы должны принять Правила сообщества Для редактирования профиля необходимо авторизоваться на сайте Укажите корректный Email material_dobavlen_v_izbrannoe Добавить в избранное Убрать из избранного Пароли не совпадают Задайте пароль для входа на сайт Хороший пароль должен содержать строчные, заглавные латинские буквы и цифры. Рекомендуется добавлять знаки препинания и задавать длину пароля не менее 8 символов Спасибо за Ваш голос! Добавить +1 Убрать +1 Выберите вариант ответа
Место
Русский Табло
Сайтқа кіру
auth.social_login:
Сіздің Vesti.kz сайтындағы аккаунт Құпия сөзді ұмытып қалдыңыз ба?
Құпия сөзді ұмытып қалдыңыз ба?

Сіздің жаңа құпия сөзіңізді жіберетін email-ді атаңыз. Ақырында сіз құпия сөзді жеке бетіңізде өзгерте аласыз

Елдос Жұмақанов пен Отгонцэцэг Галбадрах спорттық мансабын аяқтады

Елдос Жұмақанов пен Отгонцэцэг Галбадрах спорттық мансабын аяқтады
©olympic.kz

Дзюдодан Қазақстан командасының мүшесі Елдос Жұмақанов пен Галбадрах Отгонцэцэг  спорттық мансабын аяқтады. Бұл туралы Оралда өтіп жатқан ел чемпионатында белгілі болды деп хабарлайды Olympic.kz. 

Елдос Жұмақанов ұзақ жылдар бойы Қазақстан командасының намысын абыроймен қорғады. 

66 келі салмақта сынға түскен ол спортқа бес жасында қадам басқан. Осы жылдар аралығында Елдос Жұмақанов әскерилер арасындағы әлем чемпионы, Гран-при турнирінің жеңімпазы (2013), аталған турнирдің күміс және қола жүлдегері (2016, 2019) атанды. 

Masters турнирі (2017) мен Еуропа кубогінің (2015) күміс жүлдегері. Сондай-ақ, Елдостың жүлде қоржынында Азия біріншілігінің төрт медалі бар. Ол 2015 жылы Эль-Кувейтте, 2016 жылы Ташкентте өткен құрлық додасында қола жүлдеге қол жеткізсе, 2017 жылы Гонконг және 2019 жылы Фуджейрада өткен Азия чемпионатында күміс медаль таққан. 

Сонымен қатар, Елдос Жұмақанов 2018 жылы Джакартада (Индонезия) өткен Азия ойындарының қола жүлдегері атанған. 

"Бүгін кәсіби спортшы ретінде спорттағы мансабымды аяқтап отырмын. Әрине, мұндай шешімді қабылдау мен үшін оңайға соққан жоқ. Дзюдошы ретінде ұлттық құрама сапында 12 жыл тер төктім. Осы жылдар аралығында жеңіс пен жеңіліс, қиындық пен қуаныш қатар жүрді. 

Спортшы ретінде әрдайым Қазақстан Ұлттық Олимпиадалық комитеті мен Қазақстан дзюдо федерациясының қолдауын қашан да сезіндік. Спортқа алғаш аяқ басқаннан бізді баласындай көрген бапкерлеріме, бірінші жаттықтырушыма, жеке жаттықтырушыма, ұлттық құраманың бапкерлер құрамы, оқу-жаттығу жиындары мен жарыстарға қатысуымызды қамтамасыз еткен командадағы әрбір маманға ерекше алғысымды білдіремін. 

Өздеріңіз білетіндей, дзюдо – тек қана спорт түрі емес, ол тұнған философия. Татами бізді талай жақсылармен табыстырды. Дос таптық, қарсыластарымыз арқылы күшейе түстік. Спортшы ретінде әбден шыңдалдық.  Енді шыңдалған тәжірибемізді қолданатын, ел спортының жандануы жолында маман ретінде қызметке кірісетін кез келді деп ойлаймын. 

Дзюдо әлемінен түбегейлі бас тарту мүмкін емес. Бүгін дзюдошы ретінде спорт мансабымды аяқтағаныммен Қазақстан спортына қызмет етуімді әрі қарай жалғастырамын", - деді Елдос. 

Галбадрах Отгонцэцэгтің спорттық ғұмырындағы ең ірі жеңіс – 2016 жылғы Рио Олимпиадасының қола жүлдесі. 48 келіде ел намысын қорғаған Галбадрах екі мәрте (2017, 2018) әлем чемпионатының қола жүлдегері атанған.

Сондай-ақ, Азия ойындары (2018) мен Универсиадада (2017) үздік үштікке еніп, 2018 жылы Ташкентте өткен Азия чемпионатында топ жарған. 

Vesti.kz сайтын осы әлеуметтік желілерінде оқыңыздар

@vestisport @vestikzsport

Әлеуметтік желілерде бөлісу


Тег:
Жаңалықтар
14 қыркүйек, 18:27
Күрес түрлері
Белгілі дзюдошыны пышақтап кетті Белгілі дзюдошыны пышақтап кетті