Дзюдодан әлем чемпионаты. Бүгін де Қазақстанға жүлде бұйырмады

Бүгін, 10 қазан күні Тәшкентте өтіп жатқан дзюдодан Қазақстан құрамасының екі спортшысы өнер көрсетті, деп жазады Vesti.kz тілшісі. 

Бірінші болып татамиге 70 келіге дейінгі салмақта Анастасия Маякова шықса, кейін 90 келіде ерлер арасында Дидар Хамза өнер көрсетті. Өкінішке қарай, екеуінде бірінші белдесулерінде жеңіліп қалды. 

Хамза чехиялық Давид Кламмерттен айласын асыра алмаса, Маякова бразилиялық Мария Портелеге есе жіберді. 

Еске салайық, бұл әлем чемпионатында Қазақстан құрамасында екі қола жүлде бар. Оны Әбиба Әбужақынова (48 келі) және Елдос Сметов (60 келі) иеленді.