auth.social_login
js.pozhaluista_podojdite js.ukazhite_email js.ukazhite_imya_ili_psevdonim js.ukazhite_parol js.dlya_registracii_na_saite_vy_doljny js.dlya_redaktir_profilya js.ukazhite_korrektny_email material_dobavlen_v_izbrannoe js.dobavit_v_izbrannoe js.ubrat_iz_izbrannogo js.paroli_ne_sovpadayut js.zadaite_parol_dlya_vhoda_na_sait js.horoshi_parol_doljen_soderjat js.spasibo_za_vash_golos js.dobavit_plus_1 js.ubrat_plus_1 js.vyberite_variant_otveta
js.mesto
жаңа тег қосу Слайдшоу қарау (пробел) Пауза Артқа Алға Орнынан көшіру Жабу (Esc) Толық көлеміне ашу Суретті жабу үшін жай басыңыз, қозғау үшін басып жібермеңіз
Пікіріңізге рахмет! Мәтін қойыңыз...
По-русски Табло
Сайтқа кіру
auth.social_login:
Сіздің Vesti.kz сайтындағы аккаунт Құпия сөзді ұмытып қалдыңыз ба?
Құпия сөзді ұмытып қалдыңыз ба?

Сіздің жаңа құпия сөзіңізді жіберетін email-ді атаңыз. Ақырында сіз құпия сөзді жеке бетіңізде өзгерте аласыз

Азия біріншілігінде бақ сынайтын дзюдошыларымыз жасақталды

Азия біріншілігінде бақ сынайтын дзюдошыларымыз жасақталды

Азия біріншілігінде бақ сынайтын дзюдошыларымыз жасақталды
24 мамырда Қытайдың Гонконг қаласында дзюдодан ерлер мен әйелдер арасындағы Азия чемпионаты басталады. Айтулы жарыста Елдос Сметовтен басқа, еліміздің барлық белді балуандары бақ сынайды. Әлем чемпионы, Олимпиада ойындарының күміс жүлдегері, Азия ойындарының жеңімпазы деген атағы бар қандасымыз әлі де жарақатынан айыға алмай жүрген сыңайлы.

Ерлер сайысында аса жеңіл салмақта ағайынды Ғұсман мен Ғұмар Қырғызбаевтар белдеседі. Былтыр әскерилер арасында әлем чемпионы атанған Ғұсман үстіміздегі жылдың сәуір айында Анталияда ұйымдастырылған Гран-при додасында бас жүлдені олжалады. Ғұмар да – бірқатар халықаралық турнирде атой салған сайыпқыран. 66 келі сал­мақ дәрежесінде Елдос Жұмаха­нов пен Азамат Мұқанов күш сынасады. Олардың да есімдері жанкүйерлерге жақсы таныс. Елдос бірқатар аса ірі халық­аралық турнирлерде жүлдегерлер санатына қосылса, Азамат – әлем чемпионаты және Азия ойын­дары мен құрлық біріншілігінің жүлдегері.

73 келі салмақта Жансай Смағұлов боз кілемге шығады. Ол – Рио Олимпиадасына қатысып, көптеген дүбірлі додада мол тәжірибе жиған сақа спортшы. 81 келі салмақта Әзиз Қалқаманұлы мен Дидар Хамзаға сенім арты­лып отыр. Бұған дейін қос қан­дасымыз да құрлық біріншілігінде жүлде алған. 90 келі салмақ дәрежесінде Ислам Бозбаев пен Сұңғат Закирияев бар. Бір жарым жылдан аса уақыт үлкен спорттан қол үзіп қалған Исламның қазіргі бабы жақсы. Ол жуырда Бакуде өткен Гранд Слам турнирінде топ жарды. 100 келі салмақта әлем чемпионы Максим Раков өнер көрсетсе, аса ауыр салмақта тәжі­ри­белі Ержан Шынкеев пен жас да­рын Еламан Ерғалиев ел намы­сын қорғайды.

Әйелдер арасындағы басты үмітіміз аса жеңіл салмақтағы Отгонцецег Галбадрах екені даусыз. Бұл балуан былтыр Рио Олимпиадасында қола медальді иеленіп, қазіргі кезде әлемдік рейтингте екінші орынды енші­леу­де. Осыған дейінгі Азия чем­пио­наттарында алдарына жан салмаған Мариям Ордабаева (63 келі) мен Гүлжан Исанова (+78 келі) Аспанасты елінде тек ал­тын­нан алқа тағынуды көздеу­де. Сол секілді соңғы кездері табыс­ты өнер көрсетіп жүрген Әлбина Амангел­диева (78 келі) да өз жан­күйер­лерін қуантуды мақсат тұтуда.

Өзге салмақ дәрежелерінде Севара Нышанбаева (57 келі ), Анна Казюлина (57 келі), Ділбар Өмірәлиева (70 келі), Зере Бектасқызы (70 келі) және Зарина Райфова (78 келі) сынды аруларымыз құрлықтың басты жарысында бақ сынайды.

Естеріңізге сала кетейік, был­тыр Кувейтте өткен Азия чем­пио­на­­тында Қазақстан құра­масына бір­де-бір алтын бұйыр­маған. Отан­дас­тары­мыздың ара­сынан Максим Раков (100 келі) күміс алса, Мариям Орда­баева (63 келі), Гүлжан Исанова (+78 келі) және Ержан Шынкеев (+100 келі) қолаға қол созды. Ерлер бәсекесінде Жапония (3 алтын+2 күміс+2 қола) мен Оңтүстік Корея (3+2+0) құра­ма­ла­рының қарқыны өте күшті болды. Үш алтыннан олжалаған қос команда жалпы есепте көш бастады. Үшінші орынға Өзбек­стан (1+1+2) табан тіреді. Әйел­дер сайысында Күн шығыс елінің қыз­дарына (3+1+3) тең келер ешкім болмады. Екінші және үшінші орындарда – Монғолия (2+2+0) мен Қытай (2+0+3) құра­малары.

Гонконгтағы Азия біріншілігі алты күнге созылып, 29 мамырда өз мәресіне жетеді. Содан кейін дүниежүзілік рейтингте жоға­ры­ла­у­ға мүмкіндік беретін халық­ара­лық турнирлер қайта жалға­са­ды. Осы жарыстардың барлығы да үстіміздегі жылдың күзінде өте­тін әлем чемпионатына даярлық ретінде қарастырылуда.
Әлеуметтік желілерде бөлісу


Жаңалықтар
2 ақпан
13:57
7 қазан 2020
15:21