Қазақстандық бұрымды дзюдошы Әбиба Әбужақынова Қазақстан Республикасына еңбек сіңірген спорт шебері атағын алды. Бұл туралы спортшының өзінің әлеуметтік желі арқылы хабарлады.
«Дзюдодан Қазақстан Республикасына еңбек сіңірген спорт шебері атағына ие болдым. Ақтөбеде өтіп жатқан дзюдодан Қазақстан чемпионаты аясында Қазақстан Республикасы Туризм және спорт министрі Ербол Қуантайұлы Мырзабосынов куәлік табыстады. Сондай-ақ, Елдос ағам алтын нашивкасына қол жеткізді. Елдос ағамның жолын берсін деп ырымдадым», - дейді Әбиба.