"Сарыарқаның" бұрынғы шабуылшысы Павел Крутий 23 жасында қайтыс болды. Бұл тураы Жоғары хоккей лигасының (ЖХЛ) ресми сайты хабарлады.
Крутий 10 шілде күні қайтыс болған. Ол таңертең Орск қаласының "Южный Урал" командасы сапында жаттығу жасап жатқан. Сол кезде өзін жаман сезінген. Команданың дәрігері бірінші көмекті көрсеткен. Содан соң жедел жәрдем қызметкерлері оны реанимацияға жеткізііп үлгергенімен хоккейші бақилық болған.
"Алдын ала диагноз - тромбоэмболия. Хоккейші денсаулығына шағым жасамаған. ЖХЛ Павелдің отбасына қайғырып, көңіл айтады", - делінге лиганың хабарламасында.
Айта кетейік, Крутий өткен маусымда "Сарыарқа" сапында ойнады. Қарағандылық клуб сапында ол 36 кездесуге қатысып, 11 (4+7) ұпай жинаған.
"Сарыарқа" да хоккейшінің отбасына көңіл айтты.