"Канелоның" жұмсақ жазасы, GGG қарсыласы мен трилогия". WBC президентінің үлкен сұхбаты

Бүкіләлемдік бокс кеңесінің (WBC) президенті Маурисио Сулейман бртаниялық Boxing Socials жаңалықтар порталына сұхбат беріп, рұқсат етілген жекпе-жектерге тоқтала кетті, - деп хабарлайды vRINGe.com. 

Біраз уақыт бұрын WBC қазақстандық Геннадий Головкин (38-1-1, 34 КО) мен WBC ұйымының "уақытша" чемпионы америкалық Джермал Чарло (27-0, 21 КО) арасындағы жекпе-жекке рұқсат берген. Бұл кездесудің жеңімпазы мексикалық Сауль "Канело" Альварестің міндетті қарсыласы атанады. 

GGG командасына бұл жағдай ұнамады. Өйткені Альварес даулы шешіммен жеңгендіктен Головкин онымен бірден жұдырықтасуға лайық деген ойда. 

- Головкин, Чарло, Кэмпбелл, Гарсиа және басқа да жақсы боксшылардың жекпе-жектеріне рұқсат бердіңіздер, сол тура айтып беріңізші.

- Конвенция кезінде барлық дивизионды қайта қарап шықтық. "Міндетті" қарсылас қайт қаралып, бекітілді. Сондықтан белсенділік артады. Чарло - Головкин үлкен жекпе-жегі болады, ал жеңімпаз "Канеломен" жұдырықтасады. Суперауыр салмақта Уайлдер - Фьюри кездесуінің жеңімпазы Энтони Джошуамен жұдырықтастыру үшін барын жасадық. Қазір бокс жақсы деңгейде. Бүгінгі таңда бокс Британия, Жапония, Месика, АҚШ-та дүркіреп тұр. Алдымыз тамаша кезең. 

- 168 фунтқа көтерілетін "Канело" Алвареске қатысты жағдай қалай?

- "Канелодан" желтоқсанда ерікті жекпе-жек өткізу туралы петицияны қабылдадық. Жаңа дивизионда WBC атынан жұдырықтасады. Мұндай чемпионды мақтан тұтамыз. 

- "Канело" екінші орта салмақта қала ма, әлде өз салмағына қайта түсе ме, қалай ойлайсыз? 

- 160 фунтқа қайта түседі деп сенемін, ол сондайлық ірі боксшы емес. Сондықтан орта салмаққа түседі деген сенімдемін. 

- "Канело" мен Головкиннің үшінші жекпе-жегін ұйымдастырасыздар ма? Дегенмен көпшілік "Канелоның" жеңісіне күмән келтіреді.
 
- Бұл жекпе-жектің қаржылық көрсеткіштері жақсы боларына сенімдімін. Екеуі де үшінші ретке лайық. 

- "Канелоның" допинг үшін жазасы қатаңдау болу керек еді деп ойламайсыз ба?

- Боксты допингтен қауіпсіз етуге бағытталған таза бокс бағдарламамыз тегеурінді. "Канелоның" ісі анық болды. Бірден барлық деректерді зерттеп, оның тамақтан болғанын анықтадық. Бұған барлық дәлел бар. Қосымша тест жасадық, оның барлығы таза. 

Айта кетейік, Альварес рингке 15 желтоқсанда оралмақ, мексикалықтың қарсыласы WBA ұйымының Regular белбеуінің иегері, британиялық Рокки Филдинг (27-1, 15 КО).

Ал Головкин биыл жұдырықтасуды жоспарлап отырған жоқ. GGG рингке тек 2019 жылдың көктемінде оралады.