"Алматы" хоккей клубы Қазақстан құрамасының бұрынғы қақпашысы Иван Полошковтың қызметінен бас тартты. Бұл туралы "
Шайба.kz" хабарлап отыр.
Бұл қадамға команда бюджеттің қысқартылуына байланысты барып отыруы мүмкін. Себебі келесі маусымда команданың 58 миллион теңгеге бюджеті қысқартылады. Оның үстіне бұған дейін клуб Қазақстан құрамасында өнер көрсеткен қақпашы Павел Полуэктовты құрамына қосқан еді.
Соңғы үш жылда Полошков "Арлан" сапында өткізді. Көкшетаулық команданың қатарында ол 30 кездесуде қатысып, соққы қайтару пайызы 92,9 болды. Бұл командамен бірге қақпашы Қазақстан чемпионы және Құрлықтық кубоктің иегері атанды.