auth.social_login
Пожалуйста, подождите... Укажите email Укажите имя или псевдоним Укажите пароль Для регистрации на сайте Вы должны принять Правила сообщества Для редактирования профиля необходимо авторизоваться на сайте Укажите корректный Email material_dobavlen_v_izbrannoe Добавить в избранное Убрать из избранного Пароли не совпадают Задайте пароль для входа на сайт Хороший пароль должен содержать строчные, заглавные латинские буквы и цифры. Рекомендуется добавлять знаки препинания и задавать длину пароля не менее 8 символов Спасибо за Ваш голос! Добавить +1 Убрать +1 Выберите вариант ответа
Место
Русский Табло
Сайтқа кіру
auth.social_login:
Сіздің Vesti.kz сайтындағы аккаунт Құпия сөзді ұмытып қалдыңыз ба?
Құпия сөзді ұмытып қалдыңыз ба?

Сіздің жаңа құпия сөзіңізді жіберетін email-ді атаңыз. Ақырында сіз құпия сөзді жеке бетіңізде өзгерте аласыз

Қазақстан құрамасы әлем чемпионатында Италияны ойсырата жеңді

Қазақстан құрамасы әлем чемпионатында Италияны ойсырата жеңді
Сурет: КФХ©

Хоккейден Қазақстан құрамасы Рига қаласында (Латвия) өтіп жатқан әлем чемпионатының топтық кезеңінде Италия құрамасын жеңді, деп хабарлайды Vesti.kz тілшісі.

"Арена-Рига" мұзайдынында өткен кездесу 11:3 (1:0, 2:1, 8:2) есебімен Қазақстан құрамасының пайдасына аяқталды. 

Ойынның бірінші кезеңі Юрий Михайлистің пайдасына аяқталды. Екінші минутта Қазақстан құрамасы сан басымдылығын сәтті пайдаланып, Роман Старченко есепті ашты. 

Екінші кезеңде Италия құрамасы есепті теңестірді. 25-минутта Анджело Мичели шайба соқты. Бірақ артынша Қазақстан құрамасы екі мәрте көзге түсті. 

Алдымен 33-минутта Егор Петухов командамызды қайта алға шығарса, үш минуттан кейін Евгений Рымарев есепті еселеді. 

Үшінші кезеңнің басында біздің құрама тағы да сан басымдылығын пайдаланып, Никита Михайлис (41-минутта) есепті 4:1-ге жетккізді. Алайда араға 12 секунд өткенде италиялықтар Никита Бояркиннің қақпасына тағы бір шайба салды. Көзге түскен - Петер Хохкофлер. 

46-минутта Михайлистің шәкірттері қарсылас ойыншыларының аздығын пайдаланып, Кертис Волк қанжығасын майлады. Ал екі минуттан кейін Артер Лихотников ойындағы бірінші, 50-минутта екінші шайбасын соғып, есеп 6:2 болды. 

Бұдан кейін де Италия құрамасы еңсесін түсірмеді. 51-минутта Алекс Петан шайба соғып, есеп айырмасын қысқартты. Дегенмен 55-минутта Кирил Панюков біздің басымды қайта бес шайбаға жеткізді.

Осыдан кейін 56-минутта Роман Старченко тағы көзге түссе, ойынның аяқталуына екі минут қалған Виктор Сведберг Қазақстанның оныншы шайбасын соқты. Ал ойынға нүктені Егор Шалапов қойды. 

Бұл ойыннан кейін Қазақстан құрамасы 10 ұпай жинап, топты екінші орынға көтерілді. Көшбасындағы Финляндия құрамасында да 10 ұпай. Алайда біз қосымша көрсеткіштер бойынша төмен тұрмыз. Италия болса бұл әлем чемпионатында ұпай алмаған жалғыз команда болып тұр. 

Енді біздің құрама топтық кезеңнің соңғы ойынын 31 наурыз күні өткізеді. Қарсыласымыз Норвегия құрамасы. 

 

Әлеуметтік желілерде бөлісу


Тег:
Жаңалықтар