"Барыс" жаттықтырушысы Андрей Скабелка ресейлік клубтар мен елордалық клубтардағы іріктеу айырмашылықтарын айтып берді, деп хабарлайды Sport24.ru.
"Ресейлік клубтар алдымен ҰХЛ өткен легионерлерді іздейді. Одан төменін тіпті қарастырмайды. Ал "Барыста" 27 жасқа дейінгі ойыншылар әлі де мүмкіндігі бар болып саналады. Үлкенірек болса - мүмкіндік жоқ. Оның үстіне ойыншы бірінші немесе екінші деңгейлі болса, лигада барлық орын толық. Үшінші, төртінші деңгей тіпті есепке де алынбайды. Бұл жігіттер не істейді? Олар көшуге шешім қабылдайды. Еуропаға, Ресейге. Оның үстіне, Леонид Вайсфельд айтпақшы "Барыс" пен белоруссиялық "Динамо" сияқты командалар шетелдіктерді көбірек ала алады. Лимит болмағандықтан, осы бес легионерге түсіп қалмайсыз ба деген қорқыныш жоқ. Ресейлік клубтар барлық шетелдіктердің бестікте ойнап, жұлдыз болғанын қалайды. Сапалы легионерді ала аламыз, бірақ үшінші қатарға немесе қорғаныс жоспарының қорғаушысы. Ресейде бұл форматтағы ойыншыларды есепке алатындар аз. Біздің ойын туралы, ойыншылар туралы тұжырымдамаларымыз әртүрлі", - дейді Скабелка.
Естеріңізге сала кетейік, маусым алдында Скабелка "Барысқа" қайта келді. Оның жетекшілігімен елордалық клуб екі рет Чернышев дивизионын жеңіп, екі рет Гагарин Кубогінің Шығыс конференциясының жартылай финалына дейін шыққан еді.
3 қыркүйекте "Барыс" КХЛ-2022/23 чемпионатының іріктеуін бастайды. Қазақстандық клуб Минск намысын қорғайтын "Динамоға" қарсы сырт айдындв өнер көрсетеді.