"Сарыарқаның" бапкері 1,5 айдан кейін қызметінен кетті

"Сарыарқа" хоккей клубының бас бапкері Александр Макрицкий қызметінен кетті, деп хабарлайды Vesti.kz тілшісі қарағандылықтардың баспасөз қызметіне сілтеме жасай отырып. Мұндай шешім қос тараптың ортақ келісімі бойынша болып отыр.

50 жастағы беларуссиялық маман "кеншілер" астанасында өткен жылдың қараша айынан бері жұмыс істеген еді.

Әзірге команданы уақытша Роман Козлов жаттықтырады.

Еске салайық, осыған дейін бас бапкер міндетін атқарған Леонид Тамбиев "Сарыарқадан" кетіп, ҚХЛ-да ойнайтын "Адмирал" тізгінін ұстаған болатын. Осыған қатысты, "Сарыарқа" клубы Тамбиев пен оның көмекшісі Андрей Банададан келісімшартты мерзімінен ерте бұзғаны үшін 12 млн рубль (71,5 млн теңге) сұрады.