"Барыстың" бас бапкері Юрий Михайлиске команданың ұтыла беруін тоқтату үшін көне ғұрып бойынша қой сойып, құрбан шалуды ұсынды,- деп хабарлайды
Vesti.kz.
Өткен түнде қазақстандық клуб ҚХЛ Батыс конференциясының аутсайдері "Сочимен" сырт мұзайдында ойнап, 0:3 есебімен ұтылды. Бұл "Барыстың" қатарынан төртінші рет жеңілуі.
"Ескі тәсілге көшіп, құрбандыққа еркек тоқты шалу керек шығар?", - деп сұрады баспасөз мәслихаты кезінде Михайлистен комментатор Александр Олейник.
"Білмеймін, білмеймін, сөйтетін де шығармыз", - деп жауап берді бапкер.
Айта кетейік, Михайлис жаттықтыратын команда келесі ойынды өз мұзайдынында өткізеді - 30 қазан қытайлық "Куньлуньмен".