ҚХЛ "Сібір" хоккейшісімен төбелесіп қалған "Барыс" шабуылшысын жазалады

Елордалық "Барыс" клубының шабуылшысы Константин Пушкарев 25 қазаг күні Казан қаласында "Ак Барсқа" қарсы өтетін кездесуге қатыса алмайды. Бұл туралы Құрлықтық хоккей лигасының (ҚХЛ) ресми сайты хабарлайды. 

Пушкарев "Сібір" және "Барыс" арасындағы кездесуде төбелесіп қалғаны үшін бес минуттық жаза алған еді. 

"ҚХЛ-ның Тәртіпті бақылау комитетінің 27 бөлімі 4.4.1 тарапы бойынша екінші және бұдан кейінгі үлкен жаза (бес минуттық) алған кез-келген ойыншы бір ойынға қатыса алмайды. Сонымен қатар хоккейші айыппұл төлейді. Бұл Пушкаревтің биылғы маусымда алған үшінші үлкен жазасы", - делінген ҚХЛ-дың ресми сайтында. 

Еске салайық, кеше "Барыс" Новосибирск қаласында "Сібірден" 4:6 есебімен жеңіліп қалды.