ҚХЛ президенті Рыспаевқа жекпе-жек ойындарына қатысуға кеңес берді

Құрлықтық xоккей лигасының президенті Дмитрий Чернышенко "Барыстың" бұрынғы ойыншысы Дамир Рыспаевтың айыбын жеңілдетуге қатысты өз пікірін білдірді,

"Енді, бала бір нәрсені бүлдірсе, оны ата-ана ғана кешіре алады. Тәртіптік кеңес болса, Дамир Рыспаевты лига ойындарынан өмір бақи шеттетуді ұйғарды. Себебі "Куньлуньмен" болған матчта ол дұрыс істемеді. Оның әрекеті Халықаралық xоккей федерациясының да, Құрлықтық xоккей лигасының да талаптарына қайшы. Сол кездегі жекпе-жектерді xоккей өнеріне қызығушылықты арттыратын дәстүрлі жекпе-жектерге жатқызуға болмайды. Оны мүлдем басқаша бағалаған дұрыс. Ол өзінің өнерін басқа лигаларда көрсете алады. Білуімше, бұл жерде Fights Nights жекпе-жектері өтеді. Оған сай келетін қарсыластар табылса, өз өнерін мұзда емес, аралас жекпе-жекте көрсетсе болады. Ал осы ойыншының қазіргі тәртібін ескерсек, оның жазасын жеңілдетуге ешқандай себеп жоқ деп ойлаймын" , - деді Чернышенко бүгін Астанада өткен баспасөз мәслиxатында.

Айта кетейік, Бүгін елордада Құрлықтық xоккей лигасы мен "Барыс" клубы арасында жұлдыздар аптасын өткізу туралы келісімге қол қойылды. Осыған орай, Астанаға ҚХЛ президенті Дмитрий Чернышенко келді. Лига басшысы Қазақстаннан екінші клубты қабылдауға қатысты өз ойын да білдірді.