Бүгін, 18 желтоқсанда Құрлықтық хоккей лигасының (КХЛ) тұрақты чемпионаты аясында Мәскеудің "Динамо»+" клубы қазақстандық "Барыспен" өз айдынында ойнайды, деп хабарлайды Vesti.kz.
Кездесу Мәскеу қаласында өтеді және Қазақстан уақытымен 21:30-да басталады. Ойынды Qazsport телеарнасы тікелей эфирде көрсетеді. Сондай-ақ трансляцияны арнаның ресми сайтынан тамашалауға болады.
Биылғы маусымда командалар қыркүйек айында Астанада кездескен еді. Ол матчте айдын иелері 5:2 есебімен жеңіске жеткен.
Қазіргі уақытта "Динамо" Батыс конференциясында 35 ойыннан кейін 48 ұпаймен төртінші орында тұр. Ал "Барыс" Шығыс конференциясында 36 матчта 32 ұпай жинап, сегізінші орынға жайғасқан.