Бүгін, 23 желтоқсанда Континенталдық хоккей лигасының (КХЛ) тұрақты чемпионаты аясында "Барыс" өз айдынында челябілік "Трактормен" ойнайды, деп хабарлайды Vesti.kz.
Командалар арасындағы кездесу "Барыс Аренада" өтеді және Қазақстан уақытымен 19:30-да басталады. Ойынды тікелей эфирде Qazsport телеарнасы көрсетеді. Сондай-ақ, трансляция арнаның ресми сайтында да қолжетімді болады.
"Барыс" — "Трактор" матчының тікелей көрсетілімі
Айта кетейік, биылғы маусымда бұл екі команда үш рет кездескен. "Барыс" бір ойында жеңіске жетті (овертаймда — 4:3), ал екі матчта ұтылды (овертаймда — 2:3 және 3:6).
Қазіргі таңда 37 матч өткізген "Трактордың" еншісінде 35 ұпай бар және ол Шығыс конференциясында алтыншы орында тұр. Ал "Барыс" 38 ойыннан кейін 34 ұпай жинап, сегізінші орынға жайғасқан.