Бүгін, 30 қазанда "Барыс" ҚХЛ тұрақты чемпионаты аясында Нұр-Сұлтанда қытайлық "Куньлуньмен" ойнайды және қатарынан төрт жеңіліс сериясын үзуге тырысады,- деп хабарлайды
Vesti.kz.
Бұл маусымда командалар қыркүйекте бір кездесу өткізген. Ол кезде қазақстандық команда 3:2 есебімен ұтқан еді.
Екі күн бұрын "Барыс" сырт мұзайдында "Сочи" командасына 0:3 есебімен ұтылды. Қазіргі таңда "Барыс" 16 ойында 16 ұпай жинап, Шығыс конференциясында 10-шы келеді. Қытайлық команда 11 баллмен соңғы орында (19 матч).
"Барыс" пен "Куньлунь" кездесуін Qazsport арнасынан тікелей тамашалауға болады.