Хоккейден Қазақстанның әйелдер біріншілігінде жаппай төбелес болды

Хоккейден Қазақстан әйелдер біріншілігінде алматылық "Айсұлу" мен астаналық "Томирис" арасындағы ойында жаппай төбелес болды. Бұл туралы Shaiba.kz порталы хабарлайды. 

Төбелестің себебі әлі анықталған жоқ. Оқиға Балуан Шолақ атындағы спот кешенінде өтіп жатқан кездесуде болды. Ойын 2:0 есебімен "Айсұлу" командасының пайдасына аяқталды. Шайбалар екінші және үшінші кезеңде соғылды. 



Айта кетейік, хоккейден Қазақстанның әйелдер арасындағы біріншілікке бес команда қатысып жатыр. Әр тұр сайын ұжымдар айналым жүйесі бойынша бір-бір кездесуден өткізеді. Жалпы ел біріншілігінде үш тур бар. Командалардың барлығы 15 ойын өткізеді. 

Биылғы ел біріншілігінің чемпиондары "Айсұлу" ұжымы атанып отыр. Алматылық клуб тек финалдық кезеңге ғана қатысты. Екінші орын "Томириске" бұйырса, үшінші орынды өскемендік "Торпедо" алып отыр.