Хоккейден Қазақстан чемпионатында қақпашы өз қорғаушысын ұрып жіберді

Қазақстандық қақпашы өз командасындағы қорғаушыны ұрды. Оқиға қазақстандық хоккей лигасының "Ақтөбе" мен "Торпедо" арасындағы матчінде болды, деп хабарлайды Vesti.kz.

Өскемендік қақпашы Антон Осокин гол жіберіп алғаннан кейін команда қорғаушысы Кирилл Индюковты ұрып жіберген. Оқиғаның видеосы Желіде жарияланды.

Матч 7:2 есебімен "Ақтөбе" пайдасына шешілген.

Бұл жеңістен кейін "Ақтөбе" тоғыз ұпаймен үшінші орында, ал алты ұпайы бар "Торпедо" алтыншы орында тұр. Барлығы 12 құрам жарысқа түскен.