Бүгін, 15 желтоқсанда хоккейден Қазақстан құрамасы (U-20) Норвегияда өтіп жатқан жастар арасындағы әлем чемпионатында кезекті ойынын өткізеді, деп хабарлайды Vesti.kz тілшісі.
А дивизионында отандастарымыздың қарсыласы Словения командасы болмақ. Матч Астана уақытымен 21:30-де басталады.
Александр Истомин командасы үшін бұл аталмыш турнирдегі төртінші ойыны болмақ. Осыған дейін жерлестеріміз Францияға (0:2) есе жіберсе, Венгрия (3:2) мен Дания (4:0) хоккейшілерін ұтты.