Хоккейден ӘЧ-2022. Қазақстан мен Словакия матчына тікелей трансляция

Бүгін, 20 мамыр күні хоккейден Қазақстан құрамасы Финляндиядағы әлем чемпионатында Словакиямен кездеседі, деп хабарлайды Vesti.kz тілшісі.

Бұл ойынды Qazsport телеарнасының тікелей эфирінен елорда уақытымен 23:10-нан бастап тамашалай аласыздар.

Әзірге төрт матч өткізген жерлестеріміз турнирде бірде-бір ұпай алмаған жалғыз команда ретінде ерекшеленіп тұр. Юрий Михайлис шәкірттері бұл жарыста Канадаға 3:6, Данияға 1:9, Францияға 1:2 және Швейцарияға 2:3 есебімен ұтылды.