Бүгін, 4 ақпан күні Владивостоктың "Адмирал" клубы Құрлықтық хоккей лигасының тұрақты чемпионаты аясында өз айдынында астаналық "Барыспен" ойнайды, деп хабарлайды Vesti.kz.
Владивостоктағы кездесу Астана уақыты бойынша сағат 14:30-да басталады. Матчты тікелей эфирде Qazsport телеарнасы көрсетеді. Сондай-ақ, трансляция арнаның ресми сайтында да қолжетімді болады.
Қазіргі таңда "Адмирал" Шығыс конференциясының турнирлік кестесінде 37 ұпаймен соңғы, 11-орында тұр. Ал "Барыс" 40 ұпаймен бір саты жоғары орналасқан.
Астаналық клубтың құрамында америкалық шабуылшы Мэйсон Морелли жарақатына байланысты әлі де ойнай алмайды.
Екі команда соңғы рет 28 қаңтарда Астанада кездесіп, ол ойында қазақстандық ұжым 2:5 есебімен ұтылып қалған еді.