Дамир Рыспаев "Барыс" сапына қайта қосылды

Елорданың «Барыс» хоккей клубы маусымның соңына дейін Дамир Рыспаевпен екіжақты келісімшартқа отырды.

Рыспаевпен бірге «Барысқа» Константин Савенков пен Иван Кучин бармақ.

Айта кетерлігі, Дамир Рыспаевқа кешегі күннен бастап Құрлықтық хоккей лигасына қатысуға рұқсат берілген. Одан бұрын Құрлықтық хоккей лигасы мен Ресей хоккей федерациясының бірлескен тәртіптік палатасы хоккей саңлағы Рыспаевқа Ресейде өтетін турнирлерге қатысуға рұқсат берген болатын. Алайда ҚХЛ-да Рыспаевтың ойынға қатысу-қатыспауы мәселесі басы ашық күйінде қалып келген еді.

Осылайша, Қазақстан Прзиденті кубогы үшін өткен «Барыс» - «Куньлунь» арасындағы матчтан кейін спортшыға берілген мерзімсіз шеттеу (дисквалификация) алынып тасталды. Дәл сол матчта Рыспаевтың қатысуымен мұз айдынында төбелес болып, осы себепті қытайлық команда ойынды жалғастырудан бас тартқан болатын.