Бүгін, 12 қаңтарда астаналық "Барыс" Құрлықтық хоккей лигасының тұрақты чемпионатындағы кезекті матчын өткізеді. Қарсылас екатеринборлық "Автомобилист", деп хабарлайды Vesti.kz.
Кездесу Екатеринбург қаласында өтеді және Астана уақытымен 19:00-де басталады. Ойынды Qazsport телеарнасы тікелей эфирде көрсетеді, сондай-ақ трансляция арнаның ресми сайтында да қолжетімді болады.
"Автомобилист" 49 ұпаймен Шығыс конференциясы кестесінде төртінші орында тұр, ал "Барыс" 36 ұпаймен оныншы сатыда орналасқан.
"Барыс" алдағы ойынға үш матчтан тұратын жеңіліс сериясымен келіп отыр - новгородтық "Торпедодан" (2:3), қазандық "Ак Барстан" (1:3) және уфалық "Салават Юлаевтан" (1:3) ұтылды.
Жарнама