Ресейлік "Югра" командасында ойнайтын хоккейден Қазақстан құрамасының шабуылшысы Евгений Рымарев Жоғары хоккей лигасындағы маусымды қарқынды бастады, деп хабарлайды "Шайба.kz".
Форвард ЖХЛ-дегі бес матчте 5 (2+3) ұпай жинады. Ханты-мансийск округінің командасы он ұпаймен лиганың турнир кестесінде бірінші келеді.
Биыл мамырда 33 жастағы өскемендік хоккей мектебінің түлегі Ригадағы әлем чемпионатында Қазақстан құрамасы үшін өнер көрсетті. Алты матчте ол бір гол салды.