"Барысты" "Алматы Аренадан" көреміз бе?

Танымал спорт менеджері Дидар Сағадиев ҚХЛ-да ойнап жүрген "Барыс" хоккей клубының басшылығына ұсыныс жасады. Ол  елордалық команданың кей матчтарын Алматыда өткізуін сұрап отыр.

""Барыстың" ҚХЛ-дағы кей матчтарын "Алматы Аренада" неге өткізбеске? Алматылықтар да үлкен хоккейді жақсы көреді. Универсиададан кейін хоккей матчтарына қуана барады. Неге бокс клубы "Астана арландарынан" үлгі алмасқа? Олар өздерінің бокс кештерін еліміздің түрлі аймақтарында өткізіп жүр. Сол сияқты "Барыс" клубы өз ойындарын Алматыда өткізетін болса, бұл елімізде хоккейдің дамуына үлкен күш беретін еді",-дейді Д. Сағадиев.

Айта кету керек, "Алматы арена" мұз сарайы 2017 жылғы қысқы Универсиадаға арналып салынған болатын. Оған 12000 көрермен сыйады.