"Барыс" ойыншыларына биылғы ҚХЛ-де төленетін еңбекақылық бюджеті белгілі болды

Астаналық "Барыстың" биылғы Құрлықтың хоккей лигасы маусымына бөлінетін еңбекақы қаржысы белгілі болды, - деп хабарлайды "Чемпионат.com".

"Чемпионатқа" 2018/19 маусымындағы Шығыс конференциясы клубтары бюджеттерінің шамалай соммасы белгілі болды. Сандарды салыстырып, қызықты деректер байқадық. Кей командалар басшылығы нәтижелі жұмыс істейді, ал кейбірінің маусым қорытындысы салынған қаржыға татымайды.

Бапкерлер штабына жұмсалатын қаржы бөлек жүреді. Төменде ойыншылардың алатын ақшасы көрсетілген. Бұл қаржының бәрі игерілмеген болуы мүмкін, үнемдеу қазір қалыпты. Мәселен хоккейші қосымша төлем алу үшін келісімдегі бірнеше шартты орындау қажет.

Бірден айтайық, алдыңғы қатарлы төрт клубтың бюджеті өскен. Ал Қиыр Шығыс пен Қытай клубтарының қаржысы қиылған", - делінген хабарламада.

Осылайша, ақпарат бойынша, "Барыстың" 2018/19 маусымындағы еңбекақы бюджеті 631 миллион рубль (3 640 870 000 теңге). Сонымен қатар, астаналық команданың былтырғы қаржысы - 596 миллион рубль (3 438 920 000 теңге) болғаны айтылды. Яғни биыл "Барыс" бюджеті 35 миллион рубльге (201 950 000 теңге) артқан.