Астаналық "Барыс" команданың шабуылшысы Никита Михайлистің жағдайы туралы мәлімдеме жасады.
Қазақстандық форфард "Авангардпен" ҚХЛ матчінде (4:3) омбылық команда шабуылшысы Роб Клинкхаммердің дөрекі фолынан жарақат алған еді. "Барыс" хоккейшісі ойынды жалғастыра алмай қалды.
"Никита қажетті процедуралардың бәрінен өтіп, онда ауыр жарақаты жоғы анықталды. Бүгін ол Қазақстан құрамасының жаттығуларына кіріседі. Құрама олимпиадалық іріктеу турниріне дайындалып жатыр", - деп хабарлайды клубтың баспасөз қызметі.
Айта кетейік, ҚХЛ-дің спорт-тәртіптік комитеті Клинкхаммерді екі матчтен шеттеді.
Соныменн қатар, осы ойында қарсыласын клюшкамен ұрғаны үшін "Барыс" шабуылшысы Дастин Бойдқа ақшалай айыппұл салынды.