Қазақстан құрамасының хоккейшісі Кирилл Савицкий "Барыс" командасымен келісімшартқа отырды. Келісім екі жылға есептелген, деп хабарлайды Vesti.kz "Головой об лед" парақшасына сілтеме жасап.
ҚХЛ-дің өткен маусымында 28 жастағы шабуылшы 54 матчқа қатысып, 19 (11+8) ұпай жинады.
Савицкий - өскемен хоккей мектебінің түлегі. Карьерасын жергілікті "Торпедо" сапында бастаған.
Еске салайық, "Барыс" ҚХЛ-дің Шығыс конференциясында соңғы - 11-орынға түсіп, плей-офф кезеңіне өте алмады.