Елордалық "Барыс" хоккей командасы Құрлықтық хоккей лигасында өз айдынында "Витязь" командасынан ұтылды, деп жазады Vesti.kz тілшісі.
Астана қаласында өткен ойын 3:2 есебімен қонақтардың пайдасына аяқталды.
Ойынның бірінші кезеңінің 8-минутында Владислас Кара ресейлік команданы алға шығарды. Содан соң үшінші кезеңнің басында, 41-минутта Кара екінші шайбаны соқты.
Кейін 43-минутта Аркадий Шестаков бір шайбамен жауап берген еді. Бірақ 48-минутта Александр Яремчук "Витязь" командасының үшінші шайбасын соғып кетті.
Матчтың 55-минутында Дінмұхамед Қайыржан соңғы шайбаны өз еншісіне жазды. Осылайша ойын 2:3 есебімен аяқталды.
Бұл "Барыс" командасының Астанадағы қатарынан екінші жеңілісі. Бұған дейін елордалық команда 3 қараша күні "Адмиралдан" 1:4 есебімен ұтылған болатын.
Енді келесі кездесуін қазақстандық команда сырт айдында "Металлургке" қарсы өткізеді.