Елордалық "Барыс" хоккей командасы Юлиус Гудачекпен келісімшарт жасады, деп хабарлайды Vesti.kz тілшісі.
Қақпашымен бір жақты келісімшарт бір жылға, яғни 2023 жылдың 30 сәуіріне дейін жасалған.
Гудачек осыған дейін ҚХЛ-де "Северсталь" мен "Спартак" командаларының намысын қорғады. Ал өткен маусымда ол ригалық "Динамо" сапында ойнайды.
Юлиус Гудачекпен соңғы бірнеше жылдан бері Словакия құрамасының негізгі қақпашысы. 2012 жылы ол ұлттық құрамасымен бірге әлем чемпионатының күміс жүлдесін жеңіп алды.