Венгрия астанасы Будапештте өтіп жатқан шайбалы хоккейден жастар арасындағы әлем чемпионатында (І дивизион) Қазақстан командасы кезекті жеңісіне қол жеткізді.
Бүгін Сергей Старыгиннің командасы Франциямен кездесіп, 4:0 есебімен жеңіске жетті.
Қазақстан сапынан Нұркенов дубль жасаса, Смольянинов пен Ким бір шайбамен көзге түсті.
Айта кетейік, бұған дейін біздің спортшылар Венгрия және Дания құрамаларынан айла асырған еді.