Қазақстан жастар арасындағы Азия чемпионатында бесінші алтын жеңіп алды

Ташкентте өтіп жатқан ауыр атлетикадана жастар арасындағы Азия чемпионатында Қазақстан тағы бір алтын жеңіп алды, - деп хабарлайды федерацияның баспасөз қызметі.

89 келіде қос сайыс нәтижесі бойынша 360 (165+195) келі көтерген Нұрғиса Әділетұлы бірінші болды. Екінші кореялық Енг Хун - 324 (142+182) келі, ал үшінші Өзбекстан спортшысы Хакимжон Шамшитдинов - 323 (144+179).

Бүгін тағы екі қазқастандық 96 келіге дейінгі салмақта өнер көрсетеді - Артем Антропов пен  Рахат Бекболат.

Жастар арасындағы Азия чемпионаты 20-шы ақпанда аяқталады. Бұл жарысқа әлемнің 20 елінен 14 қыздар және 18 ерлер командасы қатысып жатыр. 

Қазір Қазақстан қоржынында жеті жүлде. Мұның алдында Сайхан Тайсуев (67 келіге дейін), Гүлнұр Ыбрай (64), Карина Кузганбаева (81) және Айсамал Сансызбаева (81 келіден аса) алтын, Абылай Әуелханов (55) күміс, ал Сайрамкез Ақмолда (61) қола жеңіп алған.