Ауыр атлетиканы Олимпиада бағдарламасынан алып тастауы ықтимал
Халықаралық олимпиада комитетінің (ХОК) президенті Томас Бах ауыр атлетиканың Олимпиада ойындарының бағдарламасынан алып тастау ықтималдығы барын мәлімдеді, - деп хабарлайды РИА Новости. Ол Халықаралық ауыр атлетика федерациясының (IWF) баяндамасынан есеңгіреп қалғанын айтады.
Еске салайық, IWF атқару комитеті сәуірде ұйымды 2000 жылдан басқарған Тамаш Аянды қызметінен босатқан. Оған қатысты жемқорлық және допинг ережелерін бұзу деректерін жасыру бойынша тергеу жүріп жатыр.
"Ауыр атлетика бойынша естігенімде есеңгіреп қалдым, Тамаш Аян туралы. IWF ұйымын тазарту жолын табуымыз керек. Оларға көмектескіміз келеді. Біз қатаң шара қабылдау құқығын сақтап отырмыз. Ауыр атлетиканы Ойындар бағдарламасынан уақытша алып тастауға дейін баруы мүмкін", - дейді Бах.